Dagar taka í notkun sjálfvirka gólfþvottavél

Dagar hafa tekið í notkun sjálfvirka gólfþvottavél eða vélmenni og er þar með fyrsta ræstingarfyrirtækið hérlendis til að nýta sér nýja tækni fyrir vélar af þessu tagi. Vélin heitir Taski Swingobot 2000 en um er að ræða alveg nýja kynslóð af sjálfvirkum gólfþvottavélum frá svissneska fyrirtækinu Taski.

Það er fyrirtækið Tandur hf. sem er með umboð fyrir sölu og þjónustu á Taski vélum hérlendis.  Vélin inniheldur alla þá eiginleika sem aðrar Taski gólfþvottavélar hafa upp á að bjóða en er auk þess búin nýjasta fjarskiptakerfi og hugbúnaði sem völ er á í dag sem gerir henni kleift að læra á þau svæði sem vélin á að ræsta. Eins og með annan tölvubúnað þá þarf að forrita vélina fyrir það svæði sem þrífa á hverju sinni. Að því loknu er vélin tilbúin til notkunar.

Markmið Daga með þessum nýja búnaði er að auka enn frekar gæði og skilvirkni þrifa. Ennfremur að létta undir með starfsfólki við þrif á erfiðum svæðum og við krefjandi aðstæður t.a.m. á stórum svæðum sem þarf að þrífa hratt og vel á þeim tíma sólarhringsins sem hægt er að komast að þeim.  Þannig má ná fram hámarksnýtingu. Umsjónaraðili vélarinnar getur sinnt öðrum störfum á meðan vélin er í notkun og þannig má ná fram aukinni hagræðingu. Dagar mun núna á næstunni taka vélina í notkun í flugstöð Leifs Eiríkssonar en fyrirtækið sér þar um alla ræstiþjónustu fyrir Isavia.

Tenglar
Tenglar
HAFA SAMBAND
19
.
March
2024

Fimm nýir stjórnendur hjá Dögum

Dagar hafa ráðið fimm nýja stjórnendur sem öll hafa þegar hafið störf. Þau taka einnig sæti í framkvæmdastjórn fyrirtækisins. Ráðningarnar eru liður í skipulagsbreytingum hjá Dögum sem tóku gildi í byrjun árs. Breytingarnar taka mið af stefnu Daga um að skapa framúrskarandi umhverfi fyrir fyrirtæki framtíðarinnar.

LESA FRÉTT
6
.
March
2024

Gullna brosið afhent fyrir framúrskarandi störf

Tíu starfsmenn Daga fengu afhent á dögunum Gullna brosið fyrir framúrskarandi störf. Gullna brosið er viðurkenning sem grundvallast á tilnefningum frá samstarfsfólki sem og ábendingum, hrósi og endurgjöf viðskiptavina.

LESA FRÉTT
16
.
November
2023

16% starfsfólks Daga nýta sér Bara tala tungumálaforritið

Í dag, 16. nóvember, er dagur íslenskrar tungu haldinn hátíðlegur. Dagurinn er haldinn hátíðlegur á fæðingardegi Jónasar Hallgrímssonar, 16. nóvember ár hvert, með það að markmiði að minna á mikilvægi íslenskrar tungu og gleðjast og fagna sögu hennar, samtíð og framtíð.

LESA FRÉTT