Það er margt sem á daga okkar drífur – og nú viljum gjarnan deila því með ykkur!
Við kynnum með stolti Dagafréttir, fréttabréf Daga sem ætlað er að veita innsýn í verkefnin okkar, starfsfólkið og lífið á vinnustaðnum. Markmiðið er skýrt: Að auka upplýsingaflæði, efla umræðu og styðja við það sem við viljum skapa – framúrskarandi umhverfi fyrir fyrirtæki framtíðarinnar.
Í Dagafréttum má búast við fjölbreyttu efni: Fréttum af áhugaverðum verkefnum, viðtölum við starfsfólk, innblæstri, skemmtilegum myndum og stuttum pistlum sem varpa ljósi á menninguna okkar.
Hér má lesa Dagafréttir í maí.
📬 Viltu fylgjast með?
Skráðu þig á póstlistann okkar og fáðu Dagafréttir beint í innhólfið!
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
