Við hjá Dögum vitum hversu mikils virði það er fyrir starfsfólk okkar að hafa grunnþekkingu í íslensku, bæði í daglegu lífi og í starfi. Í gegnum tíðina höfum við stutt við íslenskukennslu starfsfólks okkar með íslenskunámskeiðum og nýlega tókum við í notkun Bara tala appið með það að markmiði að gera þeim kleift að læra íslensku á einfaldan og aðgengilegan hátt.
Móttökurnar hafa verið framar öllum vonum og eru 16% starfsfólks okkar byrjuð að nýta sér forritið og hafa á 90 klukkustundum klárað um það bil 4,000 íslenskuæfingar – allt á þeim tímapunktum sem hentar hverjum og einum.
Í dag, 16. nóvember, er dagur íslenskrar tungu haldinn hátíðlegur. Dagurinn er haldinn hátíðlegur á fæðingardegi Jónasar Hallgrímssonar, 16. nóvember ár hvert, með það að markmiðiað minna á mikilvægi íslenskrar tungu og gleðjast og fagna sögu hennar, samtíð og framtíð. Í ár er þema viku íslenskunnar að auka meðvitund og umræðu umíslenska tungu og fagna því sem vel er gert í þágu tungumálsins.
Við óskum öllum til hamingju með daginn og við hlökkum til að halda áfram að gera okkar til að halda tungumálinu okkar á lofti.
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
