Dagar og Disact vinna saman að bættum loftgæðum
Þjónustufyrirtækið Dagar og líftæknifyrirtækið Disact hafa hafið samstarf um að efla þjónustu við íslensk fyrirtæki og stofnanir á sviði ræstingar, loftgæða og mygluvarna. Áhersla er lögð á samhæfða nálgun þar sem greining, ferlar og viðbrögð styðja við heilnæmi rýma og skýrari ákvarðanatöku. Með því nýtist rekstrar- og þjónustureynsla Daga og einstakar efnablöndur, sérhæfð tækni og fljótvirk greining Disact við mat á aðstæðum hverju sinni. Þannig er hægt að velja viðeigandi aðgerðir, draga úr óþarfa inngripum og lágmarka röskun á rekstri ef upp koma rakaskemmdir eða vísbendingar um myglu hjá viðskiptavinum Daga.
Samstarf fyrirtækjanna fellur jafnframt að áherslum Daga um að skapa nærandi og heilnæmt umhverfi, þar sem lögð er áhersla á rétta greiningu og markviss viðbrögð sem stuðla að sjálfbærni, skynsamlegri nýtingu auðlinda og lausnum sem samræmast hugmyndum hringrásarhagkerfisins.
Skýrari ákvarðanataka fyrir viðskiptavini
Að sögn Brynhildar Guðmundsdóttur, forstjóra Daga, leiðir þessi nálgun til skilvirkari viðbragða og hraðari lausna sem bæta vinnuumhverfi og rekstraröryggi.
„Fyrir viðskiptavini okkar skiptir mestu að fá skýra mynd af stöðu mála þegar upp koma ábendingar eða einkenni. Með aðgangi að sérhæfðri greiningu er hægt að veita trausta ráðgjöf um næstu skref og stytta leiðina að viðeigandi lausn með sjálfbærni að leiðarljósi,“ segir Brynhildur.
Greining lykillinn að réttum aðgerðum
Sandra Sif Stefánsdóttir, framkvæmdastjóri Disact, segir að sameining greiningar og úrræða skipta sköpum í málum sem varða mygluvanda. Rannsóknir hér á landi sýni að raki og rakaskemmdir séu algengar í íslensku húsnæði.
„Hreinlæti, loftgæði, forvarnir og meðhöndlun myglu eru nátengd viðfangsefni og einkenni vegna óhreininda, raka eða myglu geta oft verið svipuð. Með markvissu mati á aðstæðum er hægt að velja viðeigandi aðgerðir og meðhöndla húsnæði í vanda. Samstarfið við Daga gerir okkur kleift að nýta sérþekkingu beggja aðila með það að markmiði að styðja við viðskiptavini á upplýstan hátt,” segir Sandra.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
