Hjá Dögum hefur skapast sterkur farvegur fyrir konur til að vaxa í starfi, þar á meðal konur sem hafa flutt til landsins við krefjandi aðstæður. Margar þeirra hefja störf án þess að tala íslensku eða ensku, en með markvissum stuðningi, þjálfun og eigin metnaði hafa þær byggt sér upp traustan starfsferil og gegna í dag stjórnunarhlutverkum innan fyrirtækisins.
Anna Kosmala er ein af þessum konum og hefur starfað hjá fyrirtækinu í 16 ár. Hún deilir sögu sinni í meðfylgjandi grein í FKA-blaðinu sem kom út í dag.
Lestu greinina HÉR
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
