Í síðastliðinni viku gripu Dagar til aðgerða til að fyrirbyggja smitleiðir COVID-19 veirunnar. Fyrirtækið gegnir mikilvægu þjónustuhlutverki í samfélaginu en hjá því starfa 800 starfsmenn.
Höfuðstöðvum fyrirtækisins hefur verið skipt upp í 4 svæði til að draga úr mögulegri smithættu á milli starfsmanna. Hvert svæði er afmarkað og er starfsmönnum óheimilt að fara á milli svæða á meðan starfsemi er á svæðunum. Þrif hafa verið aukin en öll svæði eru þrifin og sótthreinsuð daglega og oftar ef þörf er á. Aðrar ráðstafanir sem Dagar hafa þegar gripið til snúa að því að draga úr fundum og beinum samskiptum með því að nota síma, fundarkerfi og aðrar samskiptaleiðir eftir því sem við verður komið, ásamt því að fara að almennum leiðbeiningum um hreinlæti og sóttvarnir.
Ráðstöfun þessi er einungis forvörn til að tryggja rekstrarhæfi fyrirtækisins ef til þess kemur að einhverjir starfsmenn neyðast til að fara í sóttkví eða einangrun að fyrirmælum yfirvalda. Dögum er umhugað um heilsu og öryggi starfsmanna sinna. Aðgerð þessi miðar að því að sýna ábyrgð og tryggja öryggi starfsmanna ásamt því að lágmarka möguleg áhrif á starfsemina og viðskiptavini.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
Gullna brosið er viðurkenning sem veitt er starfsfólki sem skarar fram úr fyrir fagmennsku, jákvætt viðmót og framúrskarandi þjónustu í anda Daga.
