Í nærandi vinnuumhverfi þarf vinnustöð starfskrafts að vera hrein, örugg og vel við haldið. Nútímaleg og vönduð vinnuaðstaða stuðlar að vellíðan og ánægju á vinnustað. Það getur aukið starfsánægju að eiga val um hvar og hvenær starfsfólk sinnir störfum sínum og mikilvægt að tryggja stöðugt vinnuumhverfi, aðgengi að búnaði og upplýsingum, óháð staðsetningu.
Hafa ber í huga að bjóða upp á fjölbreyttar útgáfur af vinnustöðvum, þ.e. næðisrými, lestrarrými, símaklefa og hópvinnurými. Einnig er mælt með að skapa opið rými fyrir starfsfólk, með aðgengi að hollu fæði og drykkjarföngum og hvetja þannig starfsfólk til að taka sér hvíld frá vinnustöðinni og sinna félagslegum samskiptum.
Dagar skapa nærandi umhverfi fyrir fyrirtæki framtíðarinnar.
Dagar hafa á ný hlotið viðurkenninguna Fyrirmyndarfyrirtæki í rekstri, sem Keldan og Viðskiptablaðið standa að árlega.
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
