Þann 12. október hlutu Dagar viðurkenningu Jafnvægisvogarinnar, hreyfiaflsverkefnis FKA (Félags kvenna í atvinnurekstri) sem er unnið í samstarfi með forsætisráðuneytinu, Sjóvá, Deloitte, Ríkisútvarpið og Pipar\TBWA. Eliza Reid, forsetafrú, afhenti Sigrúnu Þormóðsdóttir, sviðsstjóra ræstinga hjá Dögum, viðurkenninguna á stafrænni ráðstefnu Jafnvægisvogar FKA sem bar heitið “Jafnrétti er ákvörðun”.
Tilgangur Jafnvægisvogarinnar er m.a. að auka á jafnvægi kynja í efsta lagi stjórnunar fyrirtækja í íslensku viðskiptalífi með það að markmiði að árið 2027 verði hlutfallið á milli kynja að minnsta kosti 40/60 í framkvæmdastjórnum fyrirtækja á Íslandi.
Viðurkenningu Jafnvægisvogarinnar, hreyfiaflsverkefnis FKA, hlutu 59 fyrirtæki, 6 sveitarfélög og 11 opinberir aðilar. Hlutu aðilarnir viðurkenninguna fyrir að jafna hlutfall kynja í efsta lagi stjórnar. Við erum einstaklega stolt og þakklát fyrir viðurkenninguna.
Fyrirlesarar á ráðstefnunni voru Dr. Ásta Dís Óladóttir, dósent í stjórnun og alþjóðaviðskiptum við Háskóla Íslands, Birgir Jónsson, forstjóri PLAY, Ásta Fjeldsted, forstjóri Festi og Bragi Valdimar Skúlason, íslensku-, tónlistar-, markaðs- og sjónvarpsmanneskja. Öll fluttu þau áhugaverða fyrirlestra sem vörpuðu ljósi á viðfangsefnið frá ólíkum sjónarhornum.
Nálgast má fyrirlestra ráðstefnunnar á vef RÚV: https://www.ruv.is/frett/2022/10/12/stafraen-radstefna-jafnvaegisvogar-fka-i-beinni
Hjá okkur færðu á einum stað alla þá þjónustu sem þú þarft til að reka þitt fyrirtæki eða fasteign. Þannig geturðu einfaldlega einbeitt þér að þinni kjarnastarfsemi – Dagar sjá um rest!
Hugrún Ásdís Þorvaldsdóttir hefur verið ráðin teymisstjóri Daga á Norðurlandi. Hún var áður hótelstjóri á Iceland hotels Collection by Berjaya. Hugrún mun vinna þvert á teymi og stýra frekari sókn Daga í margvíslegri fasteignaumsjón, vinnustaðalausnum og ræstingum, en fyrirtækið flutti nýverið í nýstandsett húsnæði í miðbænum á Akureyri.
Dagar hafa ráðið fimm nýja stjórnendur sem öll hafa þegar hafið störf. Þau taka einnig sæti í framkvæmdastjórn fyrirtækisins. Ráðningarnar eru liður í skipulagsbreytingum hjá Dögum sem tóku gildi í byrjun árs. Breytingarnar taka mið af stefnu Daga um að skapa framúrskarandi umhverfi fyrir fyrirtæki framtíðarinnar.
