Við hjá Dögum erum afar stolt af því að hafa hlotið viðurkenningu Creditinfo sem eitt af Framúrskarandi fyrirtækjum ársins 2024. Viðurkenning var veitt miðvikudaginn 30. október og að þessu sinni voru 1.131 fyrirtæki á listanum, sem samsvarar um 2,5 prósentum allra virkra fyrirtækja í landinu. Creditinfo hefur í 15 ár veitt íslenskum fyrirtækjum þessa vottun fyrir framúrskarandi árangur og stöðugleika.
Til að teljast framúrskarandi þarf fyrirtæki að byggja rekstur sinn á sterkum stoðum og stuðla að bættum hag allra, ásamt því að uppfylla strangar kröfur um stöðugleika, sjálfbærni og nýsköpun. Við erum bæði þakklát og stolt af okkar framúrskarandi starfsfólki, sem gerir okkur kleift að ná þessum árangri.
Í tilefni vottunarinnar var fjallað um starfsemi Daga í blaðinu Framúrskarandi fyrirtæki 2024. Ingigerður Erlingsdóttir, sviðstjóri fasteignaumsjónar, ræddi þar við blaðamann um starfsemina og þær jákvæðu breytingar sem hafa átt sér stað á síðustu misserum.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
