Dagar áttu lægsta tilboðið í útboði á ræstingum í Hörpu og hafa þegar hafið störf í þessu einstaka tónlistar- og ráðstefnuhúsi á austurbakka Reykjavíkurhafnar. Hjá Dögum starfa vel þjálfaðir sérfræðingar í hreingerningum á ýmiss konar rýmum.
Milljónir manna hafa heimsótt Hörpu, þessa miðstöð menningar og mannlífs, frá opnun hennar og er þar mikill umgangur og fjölbreytt starfsemi alla daga ársins. Þar sem húsið er í stöðugri notkun vegna tónleikahalds,ráðstefna og stórviðburða þarf sífellt að ræsta það og þrífa, bæði fyrir og eftir viðburði sem eru víða um húsið.
„Við erum mjög ánægð með innkomu Daga, þjónusta þeirra einkennist af mikilli fagmennsku“ segir Lárus Elíasson fasteignastjóri Hörpu. „Starfsfólkið er frábært, vel þjálfað og kemur vel fyrir. Stjórnendateymið og stýringin er fagleg, vel undirbúin og skipulögð. Harpa er einstakt listaverk sem almenningur á og við viljum því tryggja að húsið sé ávallt þannig að eigendurnir geti verið stoltir af því.“
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
.png)
