Nú í febrúar var tekin svokölluð INSTA 800 úttekt í Flugstöð Leifs Eiríkssonar. Úttektin var unnin af verkfræðistofunni Eflu ásamt fulltrúum ISAVIA og stóðust Dagar úttektina.
INSTA 800 staðallinn er gæðamiðað kerfi við ræstingar. Verkkaupi ákveður bæði gæði og tíðni ræstingar fyrir hvert og eitt rými í byggingunni en starfsmaður verktaka á að sjá til þess að rýmið sé alltaf eins hreint og krafist er skv. staðlinum. Það getur þýtt að starfsmaður þurfi ekki að ræsta flöt sem er hreinn en einbeiti sér frekar að þrifaflötum sem eru óhreinir.
Starfsmenn verkkaupa og verktaka fara í gegnum sömu þjálfun við að meta gæði ræstingar og hafa því sama skilning á gæðum. Gæðin eru metin með úttektum samkvæmt ákveðinni aðferðafræði sem báðir aðilar þekkja, það minnkar því líkur á ágreiningi um árangur ræstingarinnar og hvað sé hreint og hvað sé óhreint.
Dagar hafa á ný hlotið viðurkenninguna Fyrirmyndarfyrirtæki í rekstri, sem Keldan og Viðskiptablaðið standa að árlega.
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
