Björgunarsveitir Slysavarnarfélagsins Landsbjargar standa fyrir árlegri fjáröflun sem kallast Neyðarkall björgunarsveitanna til stuðnings björgunarsveitum landsins. Dagar hafa stutt átakið frá upphafi.
Drónar eða flygildi hafa reynst björgunarsveitum vel og eru margar björgunarsveitir nú með hópa af sjálfboðaliðum sem sérhæfa sig í notkun dróna við leit að fólki. Í ár er Neyðarkall ársins í líki björgunarsveitamanns með dróna.
Hagnaður af sölunni rennur beint til björgunarsveita og verður hann notaður til að efla búnað og styrkja þjálfun björgunarsveitarmanna, sem með fórnfúsu starfi sínu eru til taks allan ársins hring með sinn mannskap, búnað, tækni og þekkingu þegar samborgarar þeirra þurfa á aðstoð að halda.
Dagar hafa á ný hlotið viðurkenninguna Fyrirmyndarfyrirtæki í rekstri, sem Keldan og Viðskiptablaðið standa að árlega.
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
.jpg)
