Dagar eru stoltir styrktaraðilar keiluliðsins KF Döff hjá ÍR. Liðið, sem skipað er heyrnalausum leikmönnum og leikmönnum með mikla heyrnarskerðingu, stendur sig frábærlega í líflegu umhverfi keilusalsins.
KF Döff keppir 22 sinnum á tímabilinu auk þátttöku í fleiri mótum og eru heimaleikirnir í Egilshöll jafnan vel sóttir.
Við óskum liðinu góðs gengis á tímabilinu og deilum hér mynd af þessum flottu keppendum.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
