Mikil eftirvænting er ávallt eftir fjölskyldudeginum okkar. Í ár líkt og undanfarin ár var dagurinn haldinn í Skemmtigarðinum í Gufunesi, í byrjun september. Fjöldi starfsmanna Daga og börn þeirra mættu, þrátt fyrir nokkrar skúradembur.
Fjölskyldur starfsmanna Daga hafa aðgang að öllu sem skemmtigarðurinn hefur upp á að bjóða, skemmtun fyrir börnin, unglingana og fullorðna fólkið. Fjölbreytt fjör við allra hæfi s.s. minigolf, lasertag, bogfimi, þrautabraut, andlitsmálun, hoppukastali, fótboltagolf, sjóræningjaland, krítar og litaborð, veltipétur, frisbígolf, klessubolti og samstæðuspil.
Boðið var upp á grillaðar pylsur, gos, safa og candi floss eins og hver gat í sig látið. Gleðin skein úr hverju andliti og áttum við öll góðan og skemmtilegan dag saman.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
