Dagar héldu erindi um ábyrga notkun hreingerningarefna, fræðslu og þjálfun starfsmanna í þrifum, á ráðstefnu sem Vinnueftirlitið hélt nýverið. Agata T. Siek gæðastjóri og Ívar Harðarson sviðstjóri ræstingarsviðs Daga höfðu veg og vanda að kynningu erindisins.
Fram kom í erindi Agötu, mikilvægi fræðslu og stuðnings við starfsmenn í gegnum kennslu. Ítarlegar vinnulýsingar væru gerðar á verkinu, þar sem bæði notkun efna og áhalda væri á tungumáli starfsmannsins, með því væru skapaðar bestu vinnu og öryggisaðstæður. Ábyrg notkun hreingerningarefna væru Dögum ofarlega í huga og væri fyrirtækið Svansvottað.
Þann 15. október hlutu 13 starfsmenn Daga viðurkenninguna Gullna brosið fyrir framúrskarandi störf, fagmennsku og jákvætt viðmót í starfi.
Dagar hafa hlotið viðurkenningu Creditinfo sem eitt af Framúrskarandi fyrirtækjum ársins 2026, fjórða árið í röð. Aðeins 2,5% íslenskra fyrirtækja uppfylla þau ströngu skilyrði sem gerð eru til viðurkenningarinnar. Viðurkenningin er veitt fyrirtækjum sem sýna fram á traustan og ábyrgan rekstur, fjárhagslegan styrk og stöðugleika. Við matið er meðal annars horft til rekstrarafkomu, eiginfjárstöðu, lánshæfis og stjórnarhátta síðustu þriggja rekstrarára.
Dagar hafa á ný hlotið viðurkenninguna Fyrirmyndarfyrirtæki í rekstri, sem Keldan og Viðskiptablaðið standa að árlega.
