Veturinn er krefjandi árstíð þegar kemur að viðhaldi gólfa, enda berst oft inn snjór, salt og sandur sem hefur slæm áhrif á yfirborð gólfa. Rétt umhirða á þessum tíma getur lengt líftíma gólfsins og haldið fletinum snyrtilegum þrátt fyrir áskoranir vetrarins. Hér eru nokkur atriði sem vert er að hafa í huga:
Mottur: Gott er að hafa sterkar og vatnsheldar mottur bæði fyrir innan og utan hurðir til að fanga bleytu og óhreinindi áður en það berst inn á gólf. Með reglulegum skiptum á mottum tryggir þú hreint og öryggt umhverfi.
Regluleg þrif: Með reglulegum þrifum er hægt að koma í veg fyrir uppsöfnun á sandi og salti. Sandur getur rispað yfirborð gólfa, en salt getur valdið blettum og jafnvel skemmt viðkvæm efni.
Viðbrögð við vatni: Snjór og ís geta bráðnað og valdið vatnsskemmdum ef ekki er brugðist skjótt við. Mikilvægt er að þurrka upp vatn sem safnast saman á gólfi um leið og þess verður vart.
Hita- og rakastig: Til að koma í veg fyrir að viðargólf springi eða gliðni, er gott að halda stöðugu hita- og rakastigi innandyra yfir vetrartímann.
Regluleg umhirða tryggir ekki aðeins betri útlit og nærandi vinnuumhverfi heldur sparar einnig tíma og kostnað við viðgerðir til lengri tíma litið.
Dagar skapa nærandi umhverfi fyrir fyrirtæki framtíðarinnar.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
