Þann 16. desember sl. afhentu Pálmar Óli Magnússon, forstjóri Daga, og Sigríður Héðinsdóttir, mannauðsstjóri Daga, árlegar viðurkenningar fyrir starfsaldur hjá fyrirtækinu. Veittar voru viðurkenningar fyrir 10, 15 og 25 ára störf.
Einu sinni á ári er þeim starfsmönnum sem náð hafa þessum áfanga boðið til hátíðlegrar athafnar þar sem þeim eru veittar viðurkenningar og þakkir fyrir framlag sitt og vel unnin störf í þágu fyrirtækisins. Dagar hafa veitt viðurkenningar tengdar starfsaldri frá árinu 2010.
Alls fengu 23 starfsmenn starfsaldursgjöf að þessu sinni fyrir alls 345 ár í starfi. Þar af hafa 5 starfsmenn starfað í 25 ár hjá fyrirtækinu, 8 starfsmenn sem hafa verið hjá okkur í 15 árog 10 einstaklingar fengu viðurkenningu fyrir 10 ár í starfi.
Sigríður Héðinsdóttir, mannauðsstjóri Daga: „Dagar eru stolt af sínu frábæra starfsfólki, starfsfólkið er lykillinn að velgengni fyrirtækisins. Starfsaldursviðurkenningar eru þakklætisvottur og viðurkenning fyrirtækisins til starfsmanna um framlag þeirra og vel unnin störf. Þetta hár starfsaldur fjölda starfsmanna er staðfesting á því að Dagar þyki það góður og eftirsóknarverður vinnustaður að fólk vilji vinna þar svo áratugum skiptir.“
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
Gullna brosið er viðurkenning sem veitt er starfsfólki sem skarar fram úr fyrir fagmennsku, jákvætt viðmót og framúrskarandi þjónustu í anda Daga.
