Dagar eru rótgróið þjónustufyrirtæki á íslenskum markaði sem hefur verið starfrækt í um 40 ár. Fyrirtækið sérhæfir sig í fasteignaumsjón, ræstingum, hreingerningum og sérhæfðum vinnustaðalausnum með skýrum áherslum á umhverfis- og mannauðsmál, sem hafa lengi verið leiðarljós í rekstrinum.
Brynhildur Guðmundsdóttir tók við forstjórastöðu á árinu en hún hafði frá árinu 2023 sinnt hlutverki sviðsstjóra þjónustu- og ræstingasviðs innan fyrirtækisins.
„Sem stjórnandi hef ég lagt áherslu á að einblína fyrst og fremst á fólk. Forysta þarf að vera hlý, fagleg og gagnsæ og skapa umhverfi þar sem fólk finnur tilgang, traust og vilja til að leggja sig fram. Þegar þessi grunnur er til staðar verða samskipti skýr, tengsl sterk og teymið vinnur saman sem ein heild. Úr því sprettur það sem skiptir mestu máli; frábær og áreiðanleg þjónusta sem við getum verið stolt af,“ segir Brynhildur varðandi áherslur hennar innan Daga.
Hún segir að eitt af því sem henni þyki hvað ánægjulegast við starfið sé að sjá þegar þessi nálgun skilar sér í auknu trausti og sterkari teymisvinnu í daglegum verkefnum.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
