Brynhildur Guðmundsdóttir hefur tekið við sem forstjóri Daga. Brynhildur hefur verið með okkur frá árinu 2023 og stýrt Þjónustu- og ræstingasviði – stærsta og fjölmennasta sviði félagsins – þar sem hún hefur leitt skipulagsbreytingar og þróun með góðum árangri.
Brynhildur hefur víðtæka reynslu úr þjónustugeiranum og hefur frá upphafi lagt mikla áherslu á fagmennsku og sterka liðsheild.
Við óskum Brynhildi innilega til hamingju og hlökkum til að vinna áfram með henni í nýju hlutverki.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
