Dagar hafa hlotið endurvottun Svansins og eru þar með fyrsta fyrirtækið til að ljúka endurvottunarferlinu samkvæmt nýuppfærðum og strangari viðmiðum. Þá eru Dagar einnig fyrsta fyrirtækið til að bæta við gluggaþvotti í Svansvottunina, en hingað til hafa bara almenn ræstiþjónusta verið vottuð.
Þetta er mikilvæg viðurkenning á markvissu og metnaðarfullu starfi fyrirtækisins í umhverfismálum. Endurvottunin er mikilvægur áfangi í áframhaldandi vegferð fyrirtækisins og styrkir stöðu þess sem leiðandi aðila í sjálfbærum rekstri innan greinarinnar.
„Við erum ótrúlega stolt af þessum árangri. Við lærðum mikið á að fara í gegnum hertar kröfur Svansins og þær minna okkur á mikilvægi þess að halda áfram að styrkja sjálfbærni í starfseminni “ segir Brynhildur forstjóri Daga.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
