Dagar hafa hlotið viðurkenninguna Fyrirmyndarfyrirtæki í rekstri 2025, sem veitt er árlega af Keldunni og Viðskiptablaðinu. Við erum afar stolt af þessari viðurkenningu, sem staðfestir traustan rekstur og góða stjórnarhætti hjá fyrirtækinu.
Í ár voru alls 1.720 fyrirtæki, þar á meðal 29 opinber fyrirtæki, valin á listann yfir fyrirmyndarfyrirtæki. Þetta er aukning frá síðasta ári þegar 1.643 fyrirtæki uppfylltu skilyrðin. Blaðið sem inniheldur listann er öllum opið og þar má finna fjölbreytt viðtöl, greiningar og gagnlegt talnaefni.
HÉR er hægt að skoða blaðið á vefnum.
Til að hljóta þessa viðurkenningu þurfa fyrirtæki að uppfylla strangar kröfur, þar á meðal:
Viðskiptablaðið og Keldan meta einnig ýmsa aðra þætti sem endurspegla traustan og heilbrigðan rekstur.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
