Við erum stolt af því að Dagar eru á meðal þeirra 128 fyrirtækja og stofnana sem hlutu viðurkenningu Jafnvægisvogarinnar 2025.
Viðurkenningarhátíðin, sem bar heitið „Jafnrétti er ákvörðun“, fór fram fimmtudaginn 9. október. Jafnvægisvogin er hreyfiaflsverkefni Félags kvenna í atvinnulífinu (FKA) sem miðar að því að stuðla að auknu jafnvægi kynjanna í æðstu stjórnunarstöðum.
Að hljóta viðurkenninguna í annað sinn í röð er staðfesting á skuldbindingu Daga til að stuðla að jafnrétti á vinnumarkaði og innan fyrirtækisins.
Frá árinu 2020 hafa tré verið gróðursett í lundinum til að heiðra viðurkenningarhafa Jafnvægisvogarinnar, og minnir sú hefð á mikilvægi þess að fyrirtæki og stofnanir haldi áfram að leggja sitt af mörkum til jafnréttis í samfélaginu.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
