Tryggvi Þorsteinsson, sölustjóri hýsingar- og rekstrarþjónustu Opinna Kerfa, Ólafur Örn Nielsen, aðstoðarforstjóri Opinna Kerfa, Pálmar Óli Magnússon, forstjóri Daga og Björk Baldvinsdóttir, sviðsstjóri sölu og viðskiptaþróunar Daga.
Markmið samstarfsins er að auka skilvirkni, öryggi og aðgengi að gögnum í daglegum rekstri. Nútímalegt og öruggt tækniumhverfi er nú aðgengilegt starfsmönnum Daga en hjá fyrirtækinu starfa 800 starfsmenn sem þjónusta 800 þúsund fermetra hjá yfir 600 viðskiptavinum.
Pálmar Óli Magnússon, forstjóri Daga segir félagið leggja áherslu á tækni og framþróun og að vinnustaðurinn sé aðlaðandi og gefandi:
„þess vegna er nauðsynlegt fyrir okkur að bjóða upp á þær tæknilausnir sem til þarf, bæði til að miðla upplýsingum til starfsmanna sem og þeirra fyrirtækja sem við þjónustum. Síðustu daga og vikur hefur sýnt sig hversu mikilvægt það er að hafa aðgang að skýjalausnum og öðrum framsæknum tæknilausnum á borð við þær sem Opin Kerfi bjóða upp á,“ segir Pálmar Óli.
Þann 15. október hlutu 13 starfsmenn Daga viðurkenninguna Gullna brosið fyrir framúrskarandi störf, fagmennsku og jákvætt viðmót í starfi.
Dagar hafa hlotið viðurkenningu Creditinfo sem eitt af Framúrskarandi fyrirtækjum ársins 2026, fjórða árið í röð. Aðeins 2,5% íslenskra fyrirtækja uppfylla þau ströngu skilyrði sem gerð eru til viðurkenningarinnar. Viðurkenningin er veitt fyrirtækjum sem sýna fram á traustan og ábyrgan rekstur, fjárhagslegan styrk og stöðugleika. Við matið er meðal annars horft til rekstrarafkomu, eiginfjárstöðu, lánshæfis og stjórnarhátta síðustu þriggja rekstrarára.
Dagar hafa á ný hlotið viðurkenninguna Fyrirmyndarfyrirtæki í rekstri, sem Keldan og Viðskiptablaðið standa að árlega.
%20(3).jpg)
