Í þessari viku er Reykjavík skreytt regnbogans litum þegar Hinsegin dagar eru haldnir hátíðlegir. Hátíðin minnir okkur á mikilvægi þess að allir geti verið þeir sjálfir, án ótta og fordóma, og með stolti.
Hinsegin dagar eru tími til að lyfta upp röddum hinsegin fólks, fagna sigrum í réttindabaráttunni og minna á að verkefninu er ekki lokið. Það er sameiginlegt verkefni okkar allra að skapa samfélag og vinnuumhverfi þar sem fjölbreytileiki þrífst og allir tilheyra.
Hjá Dögum leggjum við áherslu á að inngilding sé ekki aðeins stefna á blaði, heldur hluti af daglegu lífi og menningu fyrirtækisins. Við erum stolt af því að styðja Hinsegin daga og standa með LGBTQIA+ samfélaginu – ekki bara þessa viku, heldur allt árið.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
