Dagar hafa styrkt starfsemi Björgunarsveitar Hafnarfjarðar með kaupum á stóra Neyðarkallinum 2025. Neyðarkallinn í ár er straumvatnsbjörgunarmaður, tileinkaður Sigurði Kristófer McQuillan Óskarssyni, sem lést á björgunaræfingu í fyrra.
Á dögunum tók Brynhildur Guðmundsdóttir, forstjóri Daga, við Neyðarkallinum í höfuðstöðvum fyrirtækisins í Garðabæ.
Hafrún Helga, starfsmaður Daga og félagi í Björgunarsveit Hafnarfjarðar, afhenti henni Neyðarkallinn fyrir hönd sveitarinnar.
Með þessum kaupum styrkja Dagar söfnun fyrir nýjum björgunarbát, sem mun nýtast sveitinni við útköll á sjó og í strandlengju.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
