Í tilefni jólahátíðarinnar tóku forsvarmenn Daga þá ákvörðun að leggja sitt af mörkum til mikilvægs málefnis í stað þess að veita viðskiptavinum og samstarfsaðilum jólagjafir. Framlagið til málefnisins nemur þeirri upphæð sem varið hefur verið í jólagjafir síðustu ár.
Starfsfólk Daga lagði til málefni sem þörf var talin á að styðja og að varð Kvennaathvarfið fyrir valinu, sem sinnir ómetanlegu starfi og bjóða upp á öruggt skjól, ráðgjöf og stuðning fyrir konur og börn þeirra sem flýja þurfa heimili sín sökum ofbeldis.
Athvörf Kvennaathvarfsins eru staðsett í Reykjavík og á Akureyri og eru opin öllum konum óháð búsetu og lögheimili. Að auki er boðið upp á ókeypis ráðgjafaviðtöl og er vaktsími Kvennathvarfsins opinn allan sólarhringinn.
Linda Dröfn Gunnarsdóttir, framkvæmdastýra Kvennaathvarfsins, kom í heimsókn á skrifstofu Daga þar sem hún tók við fjárstyrknum. Að auki munu Dagar leggja samtökunum lið með flutningsþrifum þegar þau flytja í nýtt húsnæði í Reykjavík næsta vor.
Við erum stolt af þessari ákvörðun og þakklát fyrir að geta lagt málefninu lið.
Á mynd: Teymisstjórarnir Drífa K. Guðmundsdóttir Blöndal, Erna Karen Sigurbjörnsdóttir og Kolfinna Jóna Baldursdóttir ásamt Lindu Dröfn Gunnarsdóttur, framkvæmdastýru Kvennaathvarfsins.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
