Það var bæði hátíðleg og notaleg stund þegar Gullna brosið var afhent miðvikudaginn 8.október. Í þetta sinn hlutu 13 starfsmenn Daga viðurkenningu og gjöf fyrir framúrskarandi störf og jákvæð áhrif í starfi.
Gullna brosið er viðurkenning til starfsfólks sem stendur upp úr fyrir fagmennsku, jákvæðni og frábæra þjónustu í anda Daga. Viðurkenningin byggir annars vegar á endurgjöf og hrósi viðskiptavina og hins vegar á tilnefningum frá samstarfsfólki, sem vilja gera vel við þá sem sýna metnað, jákvætt viðmót og góða þjónustulund.
Þetta starfsfólk hlaut Gullna brosið að þessu sinni:
Aiste Samusyte
Anna Borowska
Donata Liesine
Ineta Geniene
Jakub Kalinowski
Klaudia Wioletta Przybylo
Laima Miseikyte
Magdalena Wasik
Malgorzata Wrzosek
Milena Jurczyk
Natalia Siemieniewicz
Patrycja Felstau
Stela Stoykova Toshkina
Við óskum öllum innilega til hamingju og þökkum fyrir frábær störf, jákvætt viðmót og framlag til samstöðu innan Daga 💛
Við hvetjum jafnframt viðskiptavini okkar til að halda áfram að deila jákvæðri endurgjöf og hrósi til að efla starfsánægju og viðurkenna góða þjónustu.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
