Það var einstaklega notaleg og hátíðleg stund sem starfsfólk Daga átti saman í gær, þegar öllum var boðið í höfuðstöðvarnar í Lyngási. Stemningin var frábær og ilmaði húsið af dýrindisveitingum og heitu kaffi.
Fjöldi starfsfólks lagði leið sína í Garðabæinn þar sem boðið var upp á brauðtertur, marengskökur og fleiri girnilegar kræsingar. Gestir nutu þess jafnframt að rölta um húsið og skoða litríkar og skapandi skreytingar sem teymin á Lyngási höfðu sett upp í tilefni af jólaskreytingakeppni Daga. Dómnefnd skreytingakeppninnar í ár var skipuð vinum okkar og samstarfsaðilum hjá Relesys og voru verðlaun veitt fyrir fallegustu og frumlegustu skreytingarnar.
Það var ánægjulegt að sjá svo marga mæta, hlæja saman og njóta dagsins. Svona samverustundir minna okkur á mikilvægi þess að rækta tengsl, skapa jákvæða stemningu og fagna litlu augnablikunum í amstri dagsins.
Skoðaðu fleiri myndir á Facebook eða LinkedIn síðu Daga.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
