Reglulegt viðhald á innra umhverfi fasteigna er lykillinn að því að varðveita verðgildi og virkni þeirra, auk þess að tryggja að þær þjóni starfseminni og fólkinu sem þær hýsa á öruggan, nærandi og hagkvæman hátt.
Hér að neðan snertum við á nokkrum punktum sem gott er að hafa í huga þegar kemur að innra umhverfi fasteigna:
Viðhald gólfa: Mikilvægt er að velja réttu gólfhreinsiefnin og vera meðvitaður um hvað þarf að gera til að lengja líftíma gólfefnanna. Þegar viðhald er framkvæmt þarf að meta ástand gólfsins og vita hvaða ráðstafanir eru bestar fyrir hvert tilfelli.
Mottuþjónusta: Gólfmottur draga úr óhreinindum og raka sem berast inn í bygginguna. Gott er að setja mottur innanhúss og utan á fjölförnum svæðum og mikilvægt er að þrífa mottur reglulega.
Ofnakerfi: Með kólnandi veðri er mikilvægt að yfirfara ofnakerfi til að viðhalda ákjósanlegu hitastigi. Eru hitastýringar í lagi eða eru ofnar annað hvort of heitir eða kaldir?
Loftræstikerfi: Loftræstikerfi fasteigna þurfa að sama skapi reglulegt viðhald og hreinsun. Mikilvægi loftgæða er óumdeilanlegt á vinnustöðum og má oft rekja óþægindi í öndunarfærum til loftræstikerfa sem þarfnast viðhalds.
Dagar skapa nærandi umhverfi fyrir fyrirtækiframtíðarinnar.
Dagar tóku þátt í Mannauðsdeginum í Hörpu þar sem við áttum fjölmörg góð samtöl við gesti, kynntum þjónustu okkar og nýjar lausnir, og fengum frábærar viðtökur við nýja ræstingarvélmenninu okkar. Kara, Elías, Haraldur og Gunnar stóðu vaktina á bás Daga og tóku á móti gestum dagsins. Eitt helsta aðdráttaraflið á básnum var nýja ræstingarvélmennið okkar, sem þá var enn nafnlaust. Gestum Mannauðsdagsins gafst kostur á að taka þátt í nafnakeppni þar sem óskað var eftir tillögum að nafni á vélmennið. Viðbrögðin voru frábær og bárust yfir 115 nafnatillögur.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
