Dagar hafa ráðið Pálmar Örn Þórisson, sem sviðsstjóra
Fasteignaumsjónarsviðs. Fasteignaumsjónarsvið Daga býður fasteignaeigendum upp
á alhliða umsjón fasteigna, bæði hvað varðar rekstur og tæknimál. Pálmar er
menntaður rafmagnstæknifræðingur og starfaði áður sem framkvæmdastjóri Sölu- og
markaðssviðs hjá Securitas hf.  og þar á
undan  sem framkvæmdastjóri Tæknisviðs Securitas.
Pálmar hefur einnig starfað hjá Frumherja og veitti þar forstöðu rafmagnssviði
sem sinnti úttektum á öryggismálum raflagna 
og rafbúnaðar mannvirkja. Pálmar starfaði þar áður á verkfræðistofunni
Rafhönnun í rúman áratug  við
verkfræðistörf með sérsvið í stýringum, m.a. stýringum hússtjórnarkerfa í
byggingum.

‍

Dagar hafa ráðið Páll G. Arnar, sem sviðsstjóra
Veitingasviðs. Páll G. Arnar er Iðnaðartæknifræðingur að mennt og hefur starfað
við stjórnun í matvælafyrirtækjum og heildverslunum sl. 25 ár. Hann starfaði
sem framkvæmdastjóri hjá Eggerti Kristjánssyni frá 2014-2016 og framkvæmdastjóri
Matfangs frá 2016-2017. Páll hefur víðtæka þekkingu í uppsetningu og
eftirfylgni á gæðakerfum í matvælaframleiðslu. Páll hóf störf hjá ISS 2017 sem
Innkaupa-og verkefnastjóri og hefur nú tekið við starfi sviðsstjóra
Veitingassviðs.

‍

Dagar hafa ráðið Óttar Kristinn Bjarnason, sem
sérfræðing á sviði Sölu- og viðskiptaþróunar. Óttar Kristinn er með BSc í viðskiptafræði frá
Háskóla Íslands og lýkur IPME vottun á D stigi í Verkefnastjórnun í maí 2018. Áður
starfaði hann sem viðskiptastjóri hjá MP Banka, sérfræðingur á alþjóðasviði
Borgunar,  framkvæmdastjóri hjá True
Westfjords, sem framleiðir þorskalýsið Dropa.

‍

Dagar hafa ráðið Stefán Jónasson, sem
deildarstjóra í sérverkefnadeild á Fasteignaumsjónasviði.  Stefán hefur starfað erlendis sem
framleiðslustjóri í sjávarútvegi í 6 ár.  Hann starfaði áður sem
sölustjóri hjá Ísfelli í 7 ár.  Stefán er með  M.Sc. í
rekstrar-/iðnaðarverkfræði frá háskólanum í Álaborg í Danmörku. 

‍