Á hverjum degi vinnur starfsfólk Daga við að létta fyrirtækjum og stofnunum lífið á nánast öllum sviðum samfélagsins. Við veitum almenna og sérhæfða þjónustu og líkt og fleiri fyrirtæki á Íslandi sköpum við störf og verðmæti sem gera kleift að fjármagna velferðina sem okkur þykir sjálfsögð og eðlileg. Á vef Samtaka atvinnulífsins er reiknivél sem setur þátt fyrirtækjanna í samhengi við þrjá velferðarþætti: fæðingarþjónustu, leikskólapláss og dvalar- og hjúkrunarrými. Við vitum hvað þessi þjónusta er mikilvæg fyrir samfélagið. Við erum daglega við störf á slíkum stöðum og er treyst fyrir þjónustu á fjölmörgum heilbrigðisstofnunum, skólum, leikskólum og sjúkrahúsum. Við erum virkilega stolt af því að leggja okkar af mörkum til velferðarinnar með verðmætasköpun.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
