‍

Siðareglur Daga hf. tilgreina helstu lykilatriði varðandi siðferði og heiðarlega starfshætti sem eiga við í rekstri fyrirtækisins og eru leiðarljós fyrir starfshætti, framkomu og viðhorf allra starfsmanna.

‍

Lykilatriðin varða; 

• Siðferði starfsfólks
• Reglur gegn spillingu og mútum
• Starfshættir í samræmi við samkeppnislög
• Samskipti við viðskiptavini
• Siðferðisreglur á vinnustað
• Ábyrgð fyrirtækisins

‍

Siðareglurnar styðja við gildi Daga og eru samhæfðar grunnstefnu og öðrum reglum og leiðbeiningum Daga. Siðareglur Daga eru hluti af ráðningarskilmálum starfsfólks hjá Dögum.

‍

Siðferði starfsfólks

Starfsfólk Daga verður að fylgja lögum bæði í störfum sínum og utan vinnutíma.

Dagar gera ráð fyrir að allt starfsfólk vinni samkvæmt gildum Daga; Virðing, Frumkvæði, Ábyrgð, Gæði 

Þar sem lög eða reglur skortir, t.a.m. varðandi persónulega ábyrgð, verður hver starfsmaður að viðhafa heiðarlegt mat og varkárni. Starfsfólki ber að hafa samband við næsta yfirmann eða annan yfirmann, ábyrgan samstarfsmann eða tengilið viðskiptavinar til ráðagerðar. Samskipti við viðskiptavini, starfsfólk og samstarfsaðila skulu fara fram af virðingu og sanngirni. Allar persónulegar greiðslur, endurgreiðslur og mútur milli Daga og/eða starfsfólk Daga gagnvart viðskiptavinum, birgjum eða opinberum aðilum eru stranglega bannaðar. Starfsfólki Daga er bannað að þiggja gjafir eða annan þakklætisvott frá viðskiptavinum nema að það sé af hóflegu verðgildi og þjóni tilgangi viðskiptanna, t.a.m. að þiggja sýnishorn.

‍

Áreitni og einelti, þar með talin kynferðisleg áreitni, er með öllu óásættanleg innan Daga og verður ekki liðin af hálfu fyrirtækisins. Neysla og áhrif áfengis og/eða annarra vímuefna er ekki leyfð við störf hjá Dögum hf.

‍

Reglur gegn spillingu og mútum

Það að ástunda óheiðarleg vinnubrögð í viðskiptum s.s. sem varða spillingu almennt og mútur er ólöglegt og hefur skaðleg áhrif á fyrirtæki, stofnanir og ríkisstjórnir og er þar af leiðandi skaðlegt öllum einstaklingum og samfélögum.

‍

Það er grundvallarregla Daga að starfa á markaði á heiðarlegan og sanngjarnan hátt með áherslu á kostum þjónustunnar. Dagar hafa alltaf haft mjög strangar starfsreglur gegn spillingu og mútum í viðskiptum sínum til að berjast gegn spillingu, fjárkúgun og mútum, hvar sem fyrirtækið á í viðskiptum.

‍

Vanefndir gagnvart lögum um spillingu og mútur geta haft alvarlegar og neikvæðar afleiðingar fyrir Daga og starfsfólk þess. Það gæti leitt til langra og dýrra rannsókna með alvarlegum truflunum á stjórnun og starfsemi og valdið Daga að þungum sektum og kostnaðarsömum tjónum, þar á meðal skaðað orðspor Daga á ómetanlegan hátt. Síðast en ekki síst, það starfsfólk sem tekur þátt í slíku mega eiga von á að sæta persónulegri ábyrgð með alvarlegum viðurlögum.

‍

Starfshættir í samræmi við samkeppnislög

Það er kjarni viðskiptahátta Daga að uppfylla allar viðeigandi samkeppnisreglur og reglugerðir. Dagar hafa ekki uppi verðsamráð og skipta ekki markaði eða þjónustuþáttum með samkeppnisaðilum. Dagar viðhafa ekki samráð milli samkeppnisaðila vegna útboða. Dagar ræða ekki samkeppnisatriði (eins og verðlagningu, afslætti, bónusa, söluskilmála o.s.frv.) við samkeppnisaðila.

Samskipti við viðskiptavini

Dagar upplýsa viðskiptavini og birgja um Siðareglur Daga. Við afhendingu þjónustu á verkstað fylgja Dagar viðurkenndum umhverfis-, gæða, öryggis- og heilsufarsstöðlum. Þagnarskylda gagnvart viðskiptavinum er virt og viðeigandi gögn varðveitt. Athugasemdir viðskiptavina eru teknar alvarlega og eru skilgreindar sem verðmætar upplýsingar til sífelldra endurbóta í bættri þjónustu Daga.

Siðferðisreglur á vinnustað

Dagar leitast við að tryggja sem bestar vinnuaðstæður fyrir starfsfólk, m.t.t. viðeigandi heilsu- og öryggisstaðla. Mismunun starfsfólks varðandi ráðningar og störf er ekki liðin og allt starfsfólk Daga hafa rétt á að fá sanngjarna og sömu meðferð. Dagar virða félagafrelsi og samningsrétt og á allt starfsfólk rétt á að vera í stéttarfélagi. Dagar samþykkja ekki nauðungarvinnu né barnaþrælkun. Dagar bjóða laun sem að lágmarki fylgja launatöxtum kjarasamninga og reglum á vinnumarkaði. Starfsfólki býðst þjálfun í samræmi við þau störf sem þau sinna. Dagar virða einkalíf starfsfólks og vernda tengdar upplýsingar á viðeigandi hátt.

Ábyrgð fyrirtækisins 

Dagar vinna samkvæmt meginreglum um góða stjórnun fyrirtækja. Hjá Dögum er sífellt unnið að því að minnka umhverfisáhrif af starfsemi sinni. Dagar er ábyrgur fyrirtækjaþegn í því samfélagi þar sem fyrirtækið starfar. Samfélags-, umhverfis-, og siðferðisleg skuldbinding Daga skal endurspeglast í öllum samskiptum við viðskiptavini, starfsfólk, birgja og aðra hagsmunaaðila.

‍

Samþykkt af forstjóra 6.10.2025