Umhverfisstefna

Tilgangur og umfang 
Umhverfisstefnan tekur til allrar starfsemi fyrirtækisins og stjórnendur og starfsfólk bera ábyrgð á að fylgja henni í daglegum störfum.
Dagar leggja áherslu á umhverfisvænar lausnir og bjóða viðskiptavinum upp á vottuð hreinsiefni og sjálfbærar aðferðir sem draga úr neikvæðum umhverfisáhrifum.
Ræstingaþjónusta Daga hefur verið Svansvottuð frá 2009, sem staðfestir skuldbindingu okkar til vistvænna vinnubragða og stöðugra umbóta.
‍

Stefnan
Dagar taka ábyrgð í umhverfismálum og vinna markvisst að því að draga úr kolefnisspori sínu sem ábyrgur hluti af vistkeðjunni.
Við fylgjum lögum og reglum og leitum stöðugt leiða til að lágmarka umhverfisáhrif starfseminnar og koma í veg fyrir mengun.
Við hvetjum viðskiptavini okkar til að tileinka sér sjálfbært verklag sem stuðlar að aukinni endurvinnslu, minni mengun og betri nýtingu auðlinda.
Með skýrum verkferlum og vistvænum áherslum stuðla stjórnendur og starfsfólk að því að lágmarka umhverfisáhrif fyrirtækisins.
Dagar hafa sett sér skýr umhverfismarkmið og fylgjast reglulega með árangri sínum til að tryggja stöðugar umbætur.
‍

Dagar leggja áherslu á að:
• Draga úr kolefnisspori rekstursins með markvissum aðgerðum og sjálfbærum lausnum.
• Þróa og viðhalda ISO 14001 umhverfisstjórnunarkerfi og innleiða í alla starfsemi fyrirtækisins til að tryggja stöðugar umbætur.
• Stunda vistvæn innkaup með áherslu á umhverfisvænar vörur og þjónustu.
• Viðhalda Svansvottun í í ræstingum og innleiða sambærilega umhverfisstaðla í aðra starfsemi fyrirtækisins.
• Nota umhverfisvottuð efni og draga úr notkun eins og kostur er til að lágmarka umhverfisáhrif.
• Nýta auðlindir á skynsamlegan hátt og koma í veg fyrir sóun með betri stjórnun og sjálfbærum vinnubrögðum.
• Fræða starfsfólk um stefnu fyrirtækisins, ábyrgð og hlutverk þeirra við að framfylgja sjálfbærnimarkmiðum.
• Velja birgja og þjónustuaðila sem vinna eftir sömu umhverfisviðmiðum og Dagar, þar sem mögulegt er.
• Fylgjast með nýjungum og tækniþróun sem styðja við markmið fyrirtækisins og viðskiptavina í umhverfismálum.
• Veita viðskiptavinum ráðgjöf og þjónustu sem stuðlar að betri umhverfisárangri og sjálfbærum lausnum.

Umhverfisstefnan er í stöðugri þróun og endurskoðuð árlega.

Nýjasta útgáfa Umhverfisstefnu Daga er frá 15.03.2025.
‍