Dagar eru framsækið en rótgróið fyrirtæki og saga okkar nær allt aftur til ársins 1980. Hjá Dögum starfa um 750 einstaklingar um allt land.
Sérhæfing okkar byggir á áratuga reynslu, framsækni og frábæru starfsfólki. Við höfum einsett okkur að vera í fremstu röð í ræstingum og þrifum, fasteignaumsjón, vinnustaðalausnum þegar kemur að þjónustustigi, öryggi og nýjungum.
Við höfum það að markmiði að einfalda daglegt líf viðskiptavina okkar og skapa aðlaðandi, hagnýtt og heilsusamlegt starfsumhverfi þar sem þeir geta einbeitt sér að sinni kjarnastarfsemi og hámarkað árangur. Dagar þjónusta fyrirtæki og stofnanir víðsvegar um landið með daglegum ræstingum, hreingerningum, fasteignaumsjón og sérhæfðum lausnum sem henta ólíkum vinnustöðum og starfsgreinum.
Virk þátttaka og helgun starfsfólks er einn af lykilþáttum í velgengni fyrirtækisins. Starfsfólk Daga sinnir starfi sínu af metnaði og ábyrgð, og drifkrafturinn á bak við árangurinn er sambland af fagmennsku, þjónustulund og skýrri áherslu á stöðugar umbætur. Við leitum sífellt leiða til að gera betur, auka gæði og draga úr sóun. Forvitni, frumkvæði og agi eru mikilvægir þættir í þróun nýrra þjónustulausna sem viðskiptavinir okkar kunna að meta.
Við stefnum að því að vera í fremstu röð þegar kemur að þjónustustigi, öryggi og nýjungum. Til að ná þeim markmiðum tryggjum við að starfsfólki okkar líði vel í starfi og leggjum mikla áherslu á þjálfun og fræðslu svo það geti veitt framúrskarandi þjónustu og komið með lausnir sem bæta upplifun viðskiptavina.
Dagar leggja ríkan metnað í að vera ábyrgur samfélagsþegn og fyrirmynd öðrum fyrirtækjum. Skýr stefna okkar í umhverfismálum, til dæmis orkuskipti í bílaflota fyrirtækisins, endurspeglar þá sýn að við viljum axla ábyrgð og stuðla að bættu umhverfi. Við leitum stöðugt leiða til að gera enn betur og byggjum á nýsköpun, agaðri nálgun og sterkri framtíðarsýn.
Með hæfu starfsfólki og traustum samstarfsaðilum höldum við ótrauð áfram á vegferðinni.
Hjá Dögum starfa um 750 einstaklingar frá mörgum löndum. Starfsumhverfi okkar er fjölbreytt og virk þátttaka og helgun starfsfólks er lykillinn að velgengni okkar. Það skiptir Önnu miklu máli að hafa gott teymi í kringum sig og skemmtileg verkefni.
Við hvetjum starfsfólk okkar til að sýna frumkvæði og ábyrgð í einu og öllu. Premizlav, starfsmaður okkar í sérþrifum, hefur fylgt þessum gildum allt frá því að hann tók ákvörðun um að flytja til Íslands.
Við leggjum áherslu á starfstengda fræðslu og frá fyrsta degi fær starfsfólk þjálfun sem leggur áherslu á öryggi og tryggir rétt handtök í einu og öllu.
Við sýnum viðskiptavinum, verkefnum, samstarfsfólki og umhverfi okkar virðingu.
Verkin okkar tala og sýna að okkur er umhugað um hvað við gerum, hvernig við gerum það og fyrir hvern.
Allt starfsfólk okkar hefur leyfi til athafna og ætlast er til þess að það taki frumkvæði.
Við erum fagfólk með ástríðu fyrir gæðum. Við skilum því sem um er samið, af alúð og fagmennsku.
Gullna brosið er viðurkenning sem starfsfólki Daga er veitt fyrir framúrskarandi störf. Viðurkenningin er grundvölluð annars vegar á endurgjöf viðskiptavina, hrósi þeirra og ábendingum og hins vegar á tilnefningum frá samstarfsfólki.
Við hvetjum viðskiptavini til að nýta jákvæða endurgjöf til að hjálpa okkur að efla starfsánægju og skila hrósi fyrir vel unnið verk. Við hvetjum einnig starfsfólk Daga til að senda inn ábendingar um frábæra frammistöðu samstarfsfólks og hjálpa þannig til við að efla liðsanda og samstöðu.
Viltu vinna með samhentum hópi hjá traustu og þjónustumiðuðu fyrirtæki?
Hjá Dögum starfa um 750 einsaklingar um land allt. Við vitum að ánægt starfsfólk er lykillinn að ánægðum viðskiptavinum og þess vegna leggjum við áherslu á heilbrigt vinnuumhverfi, góða þjálfun og hrós fyrir vel unnið verk.
