Í dag er alþjóðlegum baráttudegi kvenna fagnað og í ár er sérstök áhersla lögð á mikilvægi þess að hafna hlutdrægni og fordómum.
Jafnrétti er ekki einungis á dagskrá einu sinni á ári, heldur er það ábyrgð okkar allra að stöðugt leggja áherslu á að skapa umhverfi og samfélag þar sem jöfn staða kynjanna er sjálfsögð og gripið sé til aðgerða sem brjóta niður ójafnvægi í samfélaginu og fagna fjölbreytileika ólíkra hópa.
Hjá Dögum er meirihluti starfsfólks konur og við leggjum okkur í hvívetna fram við að tryggja jafna stöðu og jafnan rétt kynja á vinnumarkaðinum. Við höfum skilgreint jafnréttisstefnu fyrirtækisins og fyrirtækið var eitt af þremur fyrstu fyrirtækjum á Íslandi til að fá jafnlaunavottun VR í apríl 2013. Árið 2018 fengum við jafnlaunavottun samkvæmt staðlinum IST 85:2012 en hann er sá rammi sem gildandi lög um jafnlaunavottun setja.
Styrkleiki Daga er að við erum fjölbreyttur vinnustaður þar sem meira en 40 ólík þjóðerni starfa saman af ólíkum kynjum. Þess vegna snýst fjölbreytileikinn um meira en að tryggja jafnrétti á milli kynja en einnig að tryggja jafnrétti fólks af ólíkum uppruna og þjóðernum. Við fögnum öllum fjölbreytileika, erum meðvituð um mikilvægi þess að halda réttindum ólíkra hópa á lofti og gerum betur í dag en í gær.
Til hamingju með daginn konur!
Dagar hafa ráðið fimm nýja stjórnendur sem öll hafa þegar hafið störf. Þau taka einnig sæti í framkvæmdastjórn fyrirtækisins. Ráðningarnar eru liður í skipulagsbreytingum hjá Dögum sem tóku gildi í byrjun árs. Breytingarnar taka mið af stefnu Daga um að skapa framúrskarandi umhverfi fyrir fyrirtæki framtíðarinnar.
Tíu starfsmenn Daga fengu afhent á dögunum Gullna brosið fyrir framúrskarandi störf. Gullna brosið er viðurkenning sem grundvallast á tilnefningum frá samstarfsfólki sem og ábendingum, hrósi og endurgjöf viðskiptavina.
Í dag, 16. nóvember, er dagur íslenskrar tungu haldinn hátíðlegur. Dagurinn er haldinn hátíðlegur á fæðingardegi Jónasar Hallgrímssonar, 16. nóvember ár hvert, með það að markmiði að minna á mikilvægi íslenskrar tungu og gleðjast og fagna sögu hennar, samtíð og framtíð.
