Í ljósi fréttaflutnings, vilja Dagar árétta að fyrirtækið greiðir laun í samræmi við gildandi kjarasamninga og allar kjarasamningsbundnar hækkanir hafa verið framkvæmdar undantekningarlaust. Dagar fordæma hvers konar brot á réttindum starfsfólks.
Nýlegar breytingar á ráðningarsamningum ákveðins hóps starfsfólks Daga hafa snúið að verkefnum sem greitt hefur verið fyrir sem tímamælda ákvæðisvinnu. Dagar eru að færa sig úr því fyrirkomulagi. Sú breyting mun bæta starfsskilyrði - gera starfsfólki kleift að sinna sínum verkum á eðlilegum hraða og njóta kjarasamningsbundinna réttinda s.s. neysluhléa og matartíma. Umræddar breytingar hafa verið kynntar vel fyrir starfsfólki og framkvæmd þeirra er með réttum og löglegum hætti.
Dagar eru í fararbroddi þegar kemur að starfsumhverfi ræstingarfólks og unnu við gerð síðustu kjarasamninga þétt með stéttarfélögum og öðrum aðilum vinnumarkaðarins að því að bæta kjör starfsfólks í þessari undirstöðuþjónustugrein. Þar náðist að leiðrétta kjör ræstingarfólks og því ber að fagna.
Gott starfsumhverfi skiptir máli, bæði fyrir fólkið sem starfar þar og árangur fyrirtækja. Í viðtali á mbl.is ræðir Elín Bogga Þrastardóttir, framkvæmdastjóri viðskipta hjá Dögum, um mikilvægi þess að skapa vinnuumhverfi sem styður við vellíðan, starfsánægju og öfluga vinnustaðamenningu.
Jónína Soffía Tryggvadóttir hefur tekið við starfi framkvæmdastjóra mannauðs og sjálfbærni hjá Dögum og tekur jafnframt sæti í framkvæmdastjórn félagsins. Jónína hefur starfað hjá Dögum og þekkir því starfsemi, fólk og menningu fyrirtækisins vel. Í nýju hlutverki mun hún leiða áframhaldandi uppbyggingu og þróun Daga á sviði mannauðs og sjálfbærni.
Í júní samþykkti Dagar nýja sjálfbærnistefnu sem markar mikilvægt skref í áframhaldandi þróun og ábyrgri starfsemi fyrirtækisins. Stefnan leysir af hólmi fyrri umhverfis- og starfsmannastefnu og sameinar helstu áherslur fyrirtækisins á sviði umhverfis-, félags- og stjórnarhátta í einum heildstæðum ramma.
