Gullna brosið er viðurkenning sem Dagar veita starfsmönnum til þess að þakka þeim og hrósa fyrir framúrskarandi störf. Haldið er kaffisamsæti starfsmanninum til heiðurs og er honum afhent viðurkenningarskjal og gjöf fyrir vel unnið verk.
Þetta er gert í samstarfi við viðskiptavini Daga sem tilnefna starfsmenn á sérstökum kortum sem liggja frammi á vinnustöðum og hjá Dögum. Þannig fáum við skemmtilegt tækifæri til að skila hrósi viðskiptavina til starfsmanna okkar.
Jákvæð endurgjöf eykur traust og sjálfstæði í starfi sem leiðir aftur til aukinnar starfsgleði og hvatningar til að gera enn betur. Við þessa endurgjöf í formi hróss skapast jákvæðara samband milli viðskiptavinar og starfsfólks.
Þessir starfsmenn Daga fengu Gullna bros mánaðarins fyrir framúrskarandi störf. Myndin er af þeim og yfirmönnum þeirra.
Dagar hafa gefið út sjálfbærniskýrslu fyrir árið 2025 þar fram kemur umtalsverður árangur í að draga úr umhverfisáhrifum og efla ábyrgari rekstur. Skýrslan sýnir hvernig markvissar aðgerðir á síðustu árum hafa skilað mælanlegum niðurstöðum og lagt grunn að frekari framförum í loftslags- og umhverfismálum.
Í byrjun mars var viðhaldsúttekt á jafnlaunakerfi Daga og gleður okkur að segja frá því að niðurstöður úttektarinnar voru án athugasemda.
Gullna brosið er viðurkenning sem veitt er starfsfólki sem skarar fram úr fyrir fagmennsku, jákvætt viðmót og framúrskarandi þjónustu í anda Daga.
